కల్వకుంట్ల కవిత సహకారం... స్వగృహానికి చేరుకున్న జన్నపల్లి వాసి

మాజీ ఎంపీ కల్వకుంట్ల కవిత మరోసారి తన ఔదార్యాన్ని చాటుకున్నారు. నిజామాబాద్ జిల్లా నవీపేట్ మండలం జన్నపల్లికి చెందిన దుర్గం వెంకటేశ్​... ప్రమాదవశాత్తు దుబాయిలో తీవ్ర గాయాలపాలయ్యారు. ఈ నేపథ్యంలో కవిత సహకారంతో బాధితుడు స్వగ్రామానికి చేరుకున్నాడు.

నిజామాబాద్ జిల్లా నవీపేట్ మండలం జన్నపల్లికి చెందిన దుర్గం వెంకటేశ్ బతుకుదెరువు కోసం దుబాయి వెళ్లారు. ప్రమాదవశాత్తు అక్కడ రెండు కాళ్లు విరిగిపోయాయి. స్వగ్రామానికి రాలేక నానా యాతన పడుతున్నారు. ఈ నేపథ్యంలో గ్రామస్థులు విషయాన్ని మాజీ ఎంపీ కవిత దృష్టికి తీసుకెళ్లారు.

కవిత చొరవతో వెంకటేశ్ దుబాయి నుంచి జన్నపల్లిలోని తన స్వగృహానికి తిరిగివచ్చారు. దిక్కుతోచని స్థితిలో ఉన్న కుటుంబాన్ని మాజీ ఎంపీ కవిత ఆదుకోవడంపై గ్రామస్థులు హర్షం వ్యక్తం చేశారు.

ఇవీ చూడండి : భారీ వర్షాలకు పొంగి పొర్లుతున్న వాగులు