వ్యాక్సిన్​ ప్రక్రియ ఏర్పాట్లు పరిశీలించిన కలెక్టర్

శనివారం నుంచి వ్యాక్సిన్​ ప్రక్రియ ప్రారంభం కానుండగా నిజామాబాద్​ జిల్లా కలెక్టర్ నారాయణ రెడ్డి పరిశీలించారు. ప్రభుత్వ ఆస్పత్రిలో ఉన్న సదుపాయాలను తనిఖీ చేశారు. కొవిడ్​ వ్యాక్సిన్​కు సంబంధించి ఫిర్యాదుల కోసం కంట్రోల్​ రూమ్​ ఏర్పాటు చేసినట్లు ఆయన వెల్లడించారు.

జిల్లాలో వ్యాక్సిన్​ పంపిణీ ఏర్పాట్లను పాలనాధికారి నారాయణ రెడ్డి పరిశీలించారు. జిల్లా వ్యాప్తంగా ఆరు ప్రాంతాల్లో వ్యాక్సిన్ ప్రక్రియ కొనసాగుతుందని ఆయన తెలిపారు. జిల్లాకేంద్రానికి ఇప్పటికే 302 మెయిల్స్​ వచ్చాయని వెల్లడించారు. ప్రభుత్వ ఆస్పత్రిలో ఏర్పాటు చేసిన వ్యాక్సిన్ పంపిణీ కార్యక్రమం సదుపాయాలను పరిశీలించారు. కొవిడ్ ఫిర్యాదుల కోసం ఏర్పాటుచేసిన కంట్రోల్ రూమ్​ను ప్రారంభించారు.

వ్యాక్సిన్​ ప్రక్రియ ఏర్పాట్లు పరిశీలించిన కలెక్టర్

జిల్లా వ్యాప్తంగా ప్రతి కేంద్రంలో మొదటిరోజు 30 మందికి టీకా వేయనున్నామని స్పష్టం చేశారు. ఈనెల 18వ తేదీ నుండి 42 ప్రభుత్వ ఆస్పత్రులు, 4 ప్రైవేటు ఆస్పత్రులలో టీకా వేసేందుకు చర్యలు తీసుకుంటున్నామన్నారు. మొదట దాదాపు 15 వేల మంది వైద్య సిబ్బందికి ఈ వ్యాక్సిన్ అందిస్తున్నట్లు తెలిపారు.ఈ కార్యక్రమంలో వైద్య కళాశాల ప్రిన్సిపాల్ ఇందిర, ప్రభుత్వ ఆసుపత్రి సూపరింటెండెంట్ ప్రతిమరాజ్, అదనపు కలెక్టర్ చంద్రశేఖర్ పాల్గొన్నారు. వ్యాక్సినేషన్​కు సంబంధించి ప్రజలు కింది నంబర్లకు ఫిర్యాదు చేయవచ్చని కలెక్టర్ సూచించారు.

1. నిజామాబాద్ 8309219718
2. బోధన్ 08467 222001
3. ఆర్మూర్ 08463 295050

ఇదీ చూడండి :'వ్యాక్సినేషన్​కు సర్వం సిద్ధం.. కానీ వారికి ఇవ్వట్లేదు'