BJP MP Arvind Comments On MLC Kavitha : 'కవిత ఎక్కడి నుంచి పోటీ చేసినా ఓడించే బాధ్యత మాది'

MP Arvind Latest Comments On MLC Kavitha : బీఆర్ఎస్ ఎమ్మెల్సీ కల్వకుంట్ల కవిత నిజామాబాద్ నియోజకవర్గంలో ఎక్కడి నుంచి పోటీ చేసినా ఓడిస్తామని బీజేపీ ఎంపీ ధర్మపురి అర్వింద్ అన్నారు. ఎమ్మెల్యే జీవన్​రెడ్డిపై ఎవరు పోటీ చేసినా మైసమ్మకు మేకపోతును బలిచ్చినట్లే అంటూ బీఆర్ఎస్ నాయకులు చేసిన వ్యాఖ్యలను ఆయన ఖండించారు. వచ్చే ఎన్నికల్లో నిజామాబాద్​లో భారీ మెజార్టీతో గెలుస్తామన్నారు.

MP Arvind Fires MLC Kavitha : నిజామాబాద్‌ పార్లమెంట్‌ పరిధిలోని ఏ నియోజకవర్గంలో పోటీ చేసినా బీఆర్ఎస్ ఎమ్మెల్సీ కల్వకుంట్ల కవితను ఓడించే బాధ్యత తమదని నిజామాబాద్‌ బీజేపీ ఎంపీ ధర్మపురి అర్వింద్‌అన్నారు. తెలంగాణలో సీఎం కేసీఆర్‌ కుటుంబానికి ఓటమి నేర్పింది ఇందూరు గడ్డ అని.. పేర్కొన్నారు. అంకాపూర్‌ గ్రామానికి చెందిన పారిశ్రామికవేత్త పైడి రాకేశ్‌ రెడ్డి బీజేపీ పార్టీలో చేరాక మొదటిసారిగా ఆర్మూర్‌కు రావడంతో మంగళవారం (జూన్ 6న) భారీ ర్యాలీ నిర్వహించారు. ఈ కార్యక్రమానికి ఎంపీ అర్వింద్ హాజరై మాట్లాడారు.

Dharmapuri Arvind Latest Comments :ఆర్మూర్‌లో నుంచి ఎవరు పోటీ చేసిన మైసమ్మకు మేకపోతును బలిచ్చినట్లే అంటూ బీఆర్ఎస్ నాయకులు ఇటీవల చేసిన వ్యాఖ్యలను ఆయన ప్రస్తావించారు. 2019 పార్లమెంటు ఎన్నికల్లో వారు ఇదే డైలాగ్‌ చెప్పారని.. చివరికి ఎవరు బలయ్యారో ప్రజలందరికీ తెలుసన్నారు. అలాగే బీజేపీ ర్యాలీకి రాకుండా ఎమ్మెల్యే జీవన్‌రెడ్డి కొందరిని బెదిరించారని ఆరోపించారు. జీవన్ రెడ్డిని రాబోయే ఎన్నికల్లో 50 వేల ఓట్ల మెజార్టీతో ఓడిస్తామని సవాల్ చేశారు.

ఇదీ జరిగింది:నిజామాబాద్ జిల్లా ఆర్మూర్ పట్టణంలో బీజేపీ నాయకుడు పైడి రాకేశ్​రెడ్డి స్వాగత ర్యాలీ జరిగింది. పెర్కిట్ బైపాస్ నుంచి ఎంపీ ధర్మపురి అరవింద్​తో కలిసి ఆయన కార్లలో ర్యాలీ చేపట్టారు. ఆర్మూర్​లో అంబేడ్కర్ విగ్రహానికి పూలమాలలు వేసి ఇరువురు నివాళులర్పించారు. అనంతరం బహిరంగంగా ప్రసంగించారు. అంకాపూర్​కు చెందిన పైడి రాకేశ్​రెడ్డి పార్టీలో చేరిన తర్వాత మొదటిసారి 300 కార్లతో ఆర్మూర్​లో అడుగు పెట్టారని దీనితో ఎమ్మెల్యే జీవన్​రెడ్డికి హార్ట్ రేటు 300కు చేరిందని ఎంపీ అర్వింద్ విమర్శించారు. ర్యాలీకి ఎవరు వెళ్లొద్దంటూ ఎమ్మెల్యే హుకుం జారీ చేశారని ఆరోపించారు.

MP Arvind Comments On KCR Family :కల్వకుంట్ల కుటుంబానికి ఓటమి నేర్పింది ఇందూరు పార్లమెంటు గడ్డ అని.. అందులో ఆర్మూర్​ అత్యధిక మెజార్టీ ఇచ్చిందని తెలిపారు. హిందూ దేశంలో బిడ్డలను కాపాడుకోలేని పరిస్థితి ఉందని ఆవేదన వ్యక్తం చేశారు. మన కులం హిందుత్వమని.. మన మతం మోదీ తత్వం అన్నారు. వచ్చే ఎన్నికల్లో 50 వేల మెజార్టీతో గెలుస్తామని ధీమా వ్యక్తం చేశారు. జీవన్​రెడ్డిపై ఏ పార్టీ పోటీ చేసినా మైసమ్మ ముందు మేకను బలిచ్చినట్టేనని బీఆర్ఎస్ నాయకులు చేసిన వ్యాఖ్యలను అర్వింద్ ఖండించారు. 2019లో ఏం జరిగిందో ఆర్మూర్​ ప్రజలకు తెలుసన్నారు. ఆర్మూర్​లో టిప్పర్ సంస్కృతి బంద్ చేస్తామని అన్నారు. ఆర్మూర్​లో కేవలం కమల ప్రభంజనమే ఉంటుందని పేర్కొన్నారు.

BJP MP Arvind VS MLC Kavitha :బీఆర్​ఎస్ఎమ్మెల్సీ కవిత ఎక్కడ నుంచి పోటీ చేసినా ఓడిస్తామని అర్వింద్ కుమార్ అన్నారు. ప్రజలకు లిక్కర్ సంస్కృతి.. టిప్పర్ల సంస్కృతి అవసరం లేదని చెప్పారు. అహంకార రాజకీయాలకు.. రౌడీ రాజకీయాలకు సమాధానం చెప్పేందుకే రాజకీయాల్లోకి వచ్చానని తన జీవితమంతా ఆర్మూర్​కే అంకితమని పైడి రాకేశ్​రెడ్డి అన్నారు. పోరాట స్ఫూర్తి , చైతన్యవంతమున్న ఆర్మూర్​లో అత్యధిక మెజార్టీతో గెలిపించి రాష్ట్రంలోనే ప్రథమంగా ఉంచుతానని పేర్కొన్నారు. ఆర్మూర్ గడ్డపైన బీజేపీ జెండా ఎగురవేస్తామని ధీమా వ్యక్తం చేశారు. ఎంపీ అరవింద్ నాయకత్వంలో బీజేపీని బలోపేతం చేసేందుకు కార్యకర్తగా పనిచేస్తానని తెలిపారు.

ఇవీ చదవండి: