నిజామాబాద్లో అగ్నిప్రమాదం నిజామాబాద్ పట్టణంలోని రైల్వే స్టేషన్ పక్కన గల పాత మున్సిపల్ అతిథి గృహం వద్ద స్వల్ప అగ్నిప్రమాదం సంభవించింది. గత కొన్ని రోజులుగా తడి పొడి చెత్తను వేరు చేసే క్రమంలో డంపు చేయడం వల్ల గుట్టలు గుట్టలుగా పేరుకుపోయింది. గుర్తు తెలియని వ్యక్తులు నిప్పు పెట్టడం వల్ల ప్రమాదం జరిగింది. మున్సిపల్ సిబ్బంది అందించిన సమాచారంతో అగ్నిమాపక సిబ్బంది సకాలంలో స్పందించి మంటలను అదుపులోకి తెచ్చారు. ఈ ఘటనలో ఎలాంటి నష్టమూ జరగలేదు.
