ప్రజావాణిలో ప్రతి దరఖాస్తును పరిష్కరిస్తాం: కలెక్టర్

నిజామాబాద్ జిల్లా వ్యాప్తంగా సోమవారం పరీక్ష పద్ధతిలో ప్రజావాణి నిర్వహించారు. వివిధ మార్గాల ద్వారా మొత్తం 121 ఫిర్యాదులు అందినట్లు జిల్లా కలెక్టర్​ నారాయణరెడ్డి తెలిపారు.

నిజామాబాద్​ జిల్లావ్యాప్తంగా సోమవారం నిర్వహించిన ప్రజావాణికి 121 ఫిర్యాదులు అందినట్లు కలెక్టర్​ సి. నారాయణరెడ్డి తెలిపారు. రోజురోజుకు కరోనా వ్యాప్తి చెందుతున్నందున పరోక్ష పద్ధతిలో ప్రజావాణిని నిర్వహించారు.

కలెక్టరేట్​లో ఏర్పాటు చేసిన ఫిర్యాదుల పెట్టె ద్వారా 72, ఫోన్​ ద్వారా 18, వాట్సాప్​ ద్వారా 20, ఈ-మెయిల్​ ద్వారా 7 ఫిర్యాదులు అందినట్లు అధికారులు తెలిపారు. బోధన్​ రెవెన్యూ డివిజన్​ కార్యాలయంలో ఏర్పాటు చేసిన ఫిర్యాదు పెట్టె నుంచి రెండు ఫిర్యాదు రాగా మొత్తం 121 ఫిర్యాదులను స్వీకరించామని కలెక్టర్​ వెల్లడించారు.

ఇదీ చూడండి:రాయలసీమ ఎత్తిపోతాలు ఆపాలని కోరిన తెలంగాణ సర్కారు