బాసరలో వసంత పంచమి వేడుకలు నిర్మల్ జిల్లా బాసరలోని ప్రముఖ పుణ్యక్షేత్రం శ్రీ జ్ఞాన సరస్వతి అమ్మవారి సన్నిధిలో వసంత పంచమి ఉత్సవాలు ఘనంగా నిర్వహిస్తున్నారు. వేడుకలు రెండో రోజైన నేడు రాష్ట్ర ప్రభుత్వ అధికార ప్రతినిధి వేణుగోపాలచారి అమ్మవారికి పట్టువస్త్రాలు సమర్పించనున్నారు. వసంత పంచమి వేడుకల్లో పాల్గొనేందుకు తెలుగు రాష్ట్రాలు, మహారాష్ట్ర, కర్ణాటకల నుంచి భక్తులు భారీగా తరలివస్తున్నారు. వారికి అసౌకర్యం కలగకుండా ఎన్ఎస్ఎస్ విద్యార్థులు, మిషన్ బాసర యువకులు... స్వచ్ఛందంగా సేవలందిస్తున్నారు.
