బాలల్లో పోషకాహారలోపంపై ప్రత్యేక శ్రద్ధ: కలెక్టర్

పౌష్టికాహార లోప బాలలకు ప్రత్యేక వైద్య చికిత్సలు అందించాలని నిర్మల్ కలెక్టర్ ముషారఫ్​ ఫారూఖీ ఆదేశించారు. అంగన్​వాడీ కేంద్రాల ద్వారా అదనపు పౌష్టికాహారం అందేలా చర్యలు తీసుకోవాలన్నారు.

పౌష్టికాహార లోపం గల బాలలకు ప్రత్యేక వైద్య చికిత్సలు అందించాలని కలెక్టర్ ముషారఫ్ ఫారూఖీ ఆదేశించారు. అలాంటి బాలలను అంగన్​వాడీ కేంద్రాల వారీగా గుర్తించి.. అదనపు పౌష్టికాహారం అందేలా చర్యలు తీసుకోవాలని సూచించారు.

సోన్ మండలంలోని ప్రాథమిక ఆరోగ్య కేంద్రంలో పౌష్టికాహార లోప బాలల ప్రత్యేక పరీక్ష శిబిరాన్ని పరిశీలించారు. వయస్సుకు తగ్గ బరువు, ఎత్తు లేని వారిని పోషణ, పునరావాస కేంద్రాలకు తరలించాలని సూచించారు.