గుర్తు తెలియని వాహనం ఢీకొట్టిన ఘటనలో ఇద్దరు మోడల్ స్కూల్ విద్యార్థినులు తీవ్రంగా గాయపడ్డారు. నల్గొండ జిల్లా పి.ఎ.పల్లి మండలం పిల్లిగుంట తండా సమీపంలో ప్రమాదం జరిగింది. రోడ్డు మీద పడి ఉన్న గాయత్రి, గీతాంజలి అనే విద్యార్థినులను గుర్తించిన స్థానికులు పోలీసులకు సమాచారమిచ్చారు. సాయంత్రం పాఠశాల నుంచి ఇంటికి తిరిగి వెళ్తున్న సమయంలో ప్రమాదం జరిగినట్లు తెలుస్తోంది. విద్యార్థినులను చికిత్స నిమిత్తం దేవరకొండ ప్రభుత్వ ఆస్పత్రికి తీసుకెళ్లారు. ప్రాథమిక చికిత్స అనంతరం పరిస్థితి విషమంగా ఉండడం వల్ల హైదరాబాద్కు తరలించారు. తల్లిదండ్రుల ఫిర్యాదుతో కేసు నమోదు చేసుకున్న పోలీసులు దర్యాప్తు చేస్తున్నారు.
నల్గొండలో రోడ్డు ప్రమాదం... ఇద్దరు విద్యార్థినులకు గాయాలు