పారిశుద్ధ్య కార్మికులకు బత్తాయిల పంపిణీ

రోగనిరోధక శక్తి పెంచే బత్తాయిలను పారిశుద్ధ్య కార్మికులకు పంచాలన్న మంత్రి జగదీశ్​రెడ్డి ఆదేశాల మేరకు నల్గొండ జిల్లా మిర్యాలగూడలో పంపిణీ కార్యక్రమం చేపట్టారు.

నల్గొండ జిల్లా మిర్యాలగూడలో పారిశుద్ధ్య కార్మికులకు ఎమ్మెల్యే భాస్కరరావు, మున్సిపల్ ఛైర్మన్ తిరునగరు భార్గవ్ పండ్లను పంపిణీ చేశారు. 400 మంది కార్మికులకు ఒక్కొక్కరికి 5 కేజీల చొప్పున బత్తాయిలను అందించారు.

రైతుల వద్ద నుంచి బత్తాయిలు కొనుగోలు చేసి జిల్లాలోని అన్ని మున్సిపాలిటీల్లోని కార్మికులకు అందేలా చూడాలని కలెక్టర్లను మంత్రి ఆదేశించారు. బత్తాయి రైతులను ఆదుకోవాలనే ఉద్దేశంతో జిల్లా మంత్రి జగదీశ్​ రెడ్డి ఈ కార్యక్రమం చేపట్టినట్లు నేతలు తెలిపారు. బత్తాయిల్లో విటమిన్-సి ఉండటం వల్ల వ్యాధి నిరోధక శక్తి పెరుగుతుందని తలచి కార్మికులకు పండ్లను పంపిణీ చేస్తున్నామన్నారు.

పారిశుద్ధ్య కార్మికులకు బత్తాయిల పంపిణీ

ఇదీ చదవండి:కరోనా కాలంలో కొత్త భయం- ఇళ్ల ముందు కరెన్సీ నోట్లు