పకడ్బందీగా లాక్​ డౌన్.. డ్రోన్లతో పర్యవేక్షించిన పోలీసులు

నల్గొండ జిల్లా మిర్యాలగూడలో లాక్​ డౌన్​ అమలును డ్రోన్లతో పర్యవేక్షించారు. జిల్లా ఎస్పీ ఆదేశాలతో మరింత పటిష్టంగా అమలు చేస్తున్నారు. పట్టణంలోని పలు కాలనీల్లో పరిస్థితిని డీఎస్పీ వెంకటేశ్వరరావు పరిశీలించారు.

లాక్ డౌన్ నిబంధనలు మరింత కఠినంగా అమలు చేస్తుండడంతో రోడ్లన్నీ నిర్మానుష్యంగా మారాయి. నల్గొండ జిల్లా మిర్యాలగూడలో పోలీసులు ప్రత్యేకంగా డ్రోన్ కెమెరాలతో పర్యవేక్షణ చేపట్టారు. ప్రభుత్వ ఆదేశాల మేరకు కారణం లేకుండా బయటకు వచ్చేవారి వాహనాలు సీజ్ చేస్తున్నట్లు డీఎస్పీ వెంకటేశ్వరరావు తెలిపారు.

కరోనా కట్టడికి లాక్ డౌన్ పటిష్టంగా అమలు చేస్తున్నట్లు వెల్లడించారు. జిల్లా ఎస్పీ ఆదేశాలతో డ్రోన్ కెమెరా ద్వారా కాలనీల్లో పరిస్థితిని పర్యవేక్షించినట్లు పేర్కొన్నారు. అనవసరంగా రోడ్లపై తిరిగే వారి వాహనాలను జప్తు చేయడంతో పాటు కేసులు నమోదు చేస్తున్నామన్నారు. అత్యవసరాలు, వైద్య చికిత్స కోసం వచ్చే వారిని మాత్రమే అనుమతిస్తున్నట్లు డీఎస్పీ తెలిపారు.

సరిహద్దులో పాస్​ ఉంటేనే అనుమతి: డీఎస్పీ

వాడపల్లి చెక్ పోస్ట్ వద్ద ఇతర రాష్ట్రాల నుంచి వచ్చే వారిని ఈ పాస్ ఉంటనే అనుమతిస్తున్నామని స్పష్టం చేశారు. కేవలం అంబులెన్సులు, అత్యవసర పరిస్థితుల్లో వచ్చే వారిని ఆపడం లేదని వెల్లడించారు. ఈ కార్యక్రమంలో వన్ టౌన్ సీఐ సదా నాగరాజు, టూ టౌన్ సిఐ శ్రీనివాస్ రెడ్డి, ఐటీ సెల్ సీఐ గోపి, పీఎస్ఐ శివ కుమార్, పోలీస్ సిబ్బంది పాల్గొన్నారు.

ఇదీ చూడండి:కిట్లు పంచుదాం.. పరీక్షలు పెంచుదాం: సీఎం కేసీఆర్