అనవసరంగా రోడ్లపైకి వచ్చే వాహనాలు సీజ్​ చేయండి: డీఐజీ

అనవసరంగా రోడ్లపైకి వచ్చే వారి వాహనాలు సీజ్​ చేయాలని డీఐజీ ఏవీ. రంగనాథ్​ ఆదేశించారు. నల్గొండ జిల్లా హాలియాలో లాక్​డౌన్​ అమలు తీరును పరిశీలించారు.

నల్గొండ జిల్లా హాలియాలో లాక్​డౌన్ అమలు తీరును డీఐజీ ఏవీ.రంగనాథ్​ పరిశీలించారు. లాక్​డౌన్ విధులు నిర్వహిస్తున్న పోలీస్ సిబ్బందికి పలు సూచనలు చేశారు. లాక్​డౌన్ కఠినంగా అమలు చేయాలని, అత్యవసర పరిస్థితుల్లో కాకుండా అనవసరంగా రోడ్లపైకి వచ్చే వారి వాహనాలు సీజ్ చేయాలని ఆదేశించాారు.

నిబంధనలు ఉల్లంఘించే వారికి జరిమానాలు విధించాలని, అలాంటి వారి పట్ల కఠినంగా వ్యవహరించాలన్నారు. ముఖ్యంగా లాక్​డౌన్ సమయంలో ప్రధాన రహదారులు కాకుండా గల్లీల్లో తిరిగే వారి పట్ల శ్రద్ధ వహించాలని, చాలా ప్రాంతాల్లో చిన్న చిన్న దుకాణాలు తెరిచే ఉంటున్నాయని చెప్పారు. కరోనా వ్యాప్తిని నియంత్రించడం లక్ష్యంగా ప్రభుత్వం విధించిన లాక్​డౌన్​కు అందరూ సహకరించాలని కోరారు.

ఇదీ చదవండి:Viral: చలానా తప్పించుకునేందుకు.. మహిళ పూనకం!