నియోజక వర్గ అభివృద్ధికి కృషి చేస్తా: ఎమ్మెల్యే
నల్గొండ జిల్లా మునుగోడు మండలంలోని పలు గ్రామాల్లో ఎమ్మెల్యే కోమటిరెడ్డి రాజగోపాల్ రెడ్డి పర్యటించారు. ఆయా గ్రామాల్లో పలు అభివృద్ధి పనులకు శంకుస్థాపన చేశారు. మునుగోడులోని జిల్లా పరిషత్ ఉన్నత పాఠశాలలో అదనపు తరగతి గదుల నిర్మాణం, అంబేడ్కర్ భవన నిర్మాణ పనులను ప్రారంభించారు. కాంట్రాక్టర్లు ఈ భవనాలను మంచి నాణ్యతా ప్రమాణాలతో నిర్మించే విధంగా అధికారులు, ప్రజా ప్రతినిధులు చర్యలు తీసుకోవాలని సూచించారు. నియోజక వర్గ అభివృద్ధికి తాను నిరంతరం కృషి చేస్తానని ఎమ్మెల్యే పేర్కొన్నారు.