నల్గొండ జిల్లాలో గత కొన్ని రోజులుగా కురుస్తున్న వర్షాలతో మర్ళీ నాగార్జున సాగర్ జలాశయానికి వరద పోటెత్తింది. ఎగువ నుంచి 2 లక్షల 50 వేల క్యూసెక్కుల వరద రావడం వల్ల అప్రమత్తమైన అధికారులు సాగర్ జలాశయం14 క్రస్ట్ గేట్లను 10 అడుగుల మేరకు ఎత్తారు. స్పిల్ వే ద్వారా 2 లక్షల క్యూసెక్కుల నీటిని దిగువకు విడుదల చేస్తున్నారు. సాగర్ జలాశయం గేట్లను ఈ ఏడాది సెప్టెంబర్ నుంచి 11 సార్లు ఎత్తారు. ఎగువ నుంచి వరద పెరగడం వల్ల సాగర్ జలాశయం నిండు కుండలా మారింది. నాగార్జున సాగర్ ప్రాజెక్టుకు 2 లక్షల 50 వేల క్యూసెక్కుల నీరు వస్తున్నందున అంతే మొత్తంలో నీటిని దిగువకు విడుదల చేస్తున్నారు.
నాగార్జున సాగర్ ప్రాజెక్టు 14 క్రస్ట్ గేట్ల ఎత్తివేత