నాగర్కర్నూల్ జిల్లా కోడెర్ మండలం నాగులపల్లిలో ఓ వ్యక్తి కరోనాతో మృతి చెందాడు. గత కొన్ని రోజులుగా అనారోగ్యంతో బాధపడుతూ.. చివరకు వైరస్ సోకి చనిపోయాడు. కొవిడ్ మరణం కావడంతో అంత్యక్రియలు నిర్వహించేందుకు ఎవరూ ముందుకు రాలేదు. ఫలితంగా గ్రామ సర్పంచ్ వెంకటస్వామి, పోలీసులు కలిసి గ్రామ పంచాయతీ సిబ్బంది సహకారంతో కొవిడ్ జాగ్రత్తలు తీసుకుంటూ అంత్యక్రియలు పూర్తి చేశారు.
సర్పంచ్ మానవత్వం.. కరోనా మృతదేహానికి అంత్యక్రియలు
కరోనాతో చనిపోయిన వ్యక్తి మృతదేహానికి అంత్యక్రియలు నిర్వహించి మానవత్వం చాటుకున్నారు ఓ సర్పంచ్. పోలీసులు, గ్రామ పంచాయతీ సిబ్బంది సహకారంతో కొవిడ్ నిబంధనలు పాటిస్తూ కార్యక్రమాన్ని పూర్తి చేశారు. ఆపత్కాలంలో బాధిత కుటుంబానికి అండగా నిలిచారు.
కరోనా మృతదేహానికి అంత్యక్రియలు నిర్వహించిన సర్పంచ్
ఈ సందర్భంగా కొవిడ్ వ్యాప్తి అధికంగా ఉన్న దృష్ట్యా ప్రతి ఒక్కరూ మాస్కులు ధరించి, భౌతిక దూరం పాటించాలని పోలీసులు సూచించారు.
ఇదీచూడండి:కింగ్ కోఠి ఆస్పత్రిలో ఆక్సిజన్‌ అందక ముగ్గురు మృతి