విద్యుత్ స్తంభం ఎక్కి ఆర్టీసీ డ్రైవర్ ఆత్మహత్యా యత్నం

కార్మికుల సమస్యలపై ప్రభుత్వం ఎలాంటి నిర్ణయం తీసుకోకపోవడం వల్ల మనస్తాపం చెంది అచ్చంపేటలో ఆర్టీసీ డ్రైవర్ హరిచందర్ విద్యుత్ స్తంభం ఎక్కి ఆత్మహత్యకు ప్రయత్నించాడు.

నాగర్ కర్నూల్ జిల్లా అచ్చంపేటలోని ఎన్టీఆర్ స్టేడియం పక్కనున్న విద్యుత్ స్తంభం ఎక్కి ఆత్మహత్యకు యత్నించాడు అచ్చంపేట డిపోలో డ్రైవర్​గా పని చేస్తున్న డ్రైవర్ హరిచందర్. ప్రభుత్వం సమ్మెపై ఎలాంటి నిర్ణయం తీసుకోకపోవడం వల్ల మనస్తాపానికి గురై హై ఓల్టేజ్ కరెంట్ స్తంభాన్ని ఎక్కి దూకేందుకు సిద్ధమయ్యాడు. పోలీసులు, కుటుంబ సభ్యుల వినతి మేరకు కిందకు దిగాడు. అనంతరం పోలీసులు హరిచందర్​ను అదుపులోకి తీసుకున్నారు.