మున్సిపల్​ ఎన్నికల్లో తెరాసదే విజయం: తలసాని

రానున్న మున్సిపల్​ ఎన్నికల్లో తెరాస విజయఢంకా మోగిస్తుందని పశుసంవర్ధక, సినిమాటోగ్రఫీ మాత్యులు తలసాని శ్రీనివాస్​ యాదవ్ అన్నారు. నాగర్​కర్నూల్ జిల్లా వెల్దండ మండలంలో కాంగ్రెస్​ పార్టీపై పలు విమర్శలు చేశారు.

తెలంగాణ ప్రభుత్వం ప్రజలకు ఉపయోగపడే పథకాలను ఎన్నింటినో తీసుకోచ్చిందని మంత్రి తలసాని శ్రీనివాస్​ యాదవ్ అన్నారు. హుజూర్​నగర్ ఉపఎన్నిక ముందు తెరాసను ప్రతిపక్ష పార్టీలు పెద్దఎత్తున విమర్శించినప్పటికీ ఓటర్లు కారు గుర్తుకే ఓటేశారన్నారు. ముఖ్యమంత్రి కేసీఆర్ బడుగు బలహీన వర్గాలకు ఎంతగానో ఉపయోగపడే పథకాలను ప్రజలు పరిశీలిస్తూనే తెరాసకు పట్టం కడుతున్నారని చెప్పుకొచ్చారు. ఇతర పార్టీలకు చెందిన నాయకులు ఎన్ని నాటకాలు ఆడినా ప్రజలు వాస్తవాలు గమనిస్తారని అన్నారు. వచ్చే మున్సిపల్ ఎన్నికల్లో భారీ మెజారిటీతో తెలంగాణ రాష్ట్ర సమితి విజయ ఢంకా మోగించబోతోందని ఆశాభావం వ్యక్తం చేశారు.