సుందరంగా ముస్తాబైన నాగర్​కర్నూల్ మినీ ట్యాంక్​బండ్

నాగర్​కర్నూల్ జిల్లా కేంద్రంలోని మినీ ట్యాంక్​బండ్​ను మిరుమిట్లు గొలిపే విద్యుద్దీపాలతో సుందరంగా ముస్తాబు చేశారు. మహిళలు బతుకమ్మ ఆడడం కోసం కావల్సిన అన్ని ఏర్పాట్లను పురపాలిక సిబ్బంది పూర్తి చేశారు. ​మిరుమిట్లు గొలిపే విద్యుద్దీపాలు చెట్లకు, రోడ్డుకు ఇరువైపులా అలంకరించారు.

దసరాను పురస్కరించుకుని శమీ పూజ చేయడానికి వచ్చే భక్తుల కోసం నాగర్​కర్నూల్ జిల్లా కేంద్రంలోని మినీ ట్యాంక్​బండ్​ను సుందరంగా ముస్తాబు చేశారు. బతుకమ్మ ఆడడం కోసం వచ్చే మహిళల కోసం ప్రత్యేకంగా మిరుమిట్లు గొలిపే విద్యుద్దీపాలతో అలంకరించారు. చెరువులో బతుకమ్మలు వదిలేందుకు కావల్సిన అన్ని ఏర్పాట్లను పురపాలిక సిబ్బంది పూర్తి చేశారు. బుద్ధ విగ్రహాన్ని రంగురంగుల లైట్లతో ముస్తాబు చేశారు.

అద్భత కాంతులతో రోజు ముందే పండుగ వాతావరణం నెలకొంది. దీనిని చూడడానికి పట్టణ ప్రజలు బారులు తీరారు. మినీ ట్యాంక్​బండ్​తో పాటు పట్టణంలోని ప్రధాన రహదారులను, స్తంభాలను ఎల్ఈడీ లైట్లతో అలంకరించి.. నాగర్​కర్నూల్ పట్టణంలో ఆహ్లాదకర పండగ వాతావరణాన్ని తీసుకొచ్చారు.

ఇదీ చూడండి:'కేసీఆర్​ నియంతృత్వ పోకడలతో రైతులు ఆందోళనకు గురవుతున్నారు'