మావోయిస్టు కొరియర్​ కారం జగపతి అరెస్ట్​

మావోయిస్టు కొరియర్​ కారం జగపతిని ములుగు జిల్లా వెంకటాపురం మండలం తిప్పాపురం వద్ద పోలీసులు అరెస్టు చేశారు. జగపతి నుంచి 17 లక్షల 40 వేల నగదు, ఒక ద్విచక్రవాహనం, విప్లవ సాహిత్యం, ఓ చరవాణిని స్వాధీనం చేసుకున్నారు. జగపతితో పాటు ఉన్న తునికాకు కాంట్రాక్టర్​ను అదుపులోకి తీసుకున్న పోలీసులు ఇద్దరిని రిమాండుకు తరలించారు.

ములుగు జిల్లా వెంకటాపురం మండలం తిప్పాపురం వద్ద మావోయిస్టు కొరియర్ కారం జగపతిని పోలీసులు అదుపులోకి తీసుకున్నారు. తిప్పాపూర్, ఆలువాక మార్గమధ్యలో పోలీసులు తనిఖీలు చేస్తుండగా... ద్విచక్రవాహనంపై తునికాకు కాంట్రాక్టర్​తో వెళ్తున్న జగపతిని పోలీసులు పట్టుకున్నారు. జగపతి నుంచి 17 లక్షల 40 వేల నగదు, ఒక ద్విచక్రవాహనం, విప్లవ సాహిత్యం, ఓ చరవాణిని స్వాధీనం చేసుకున్నారు.

రాష్ట్ర కమిటీ సభ్యుడు హరి భూషణ్ బడే చొక్కారావు, దామోదర్, కంకణాల రాజిరెడ్డి, శారద, అజాద్, కొయ్యడ సాంబయ్యలాంటి అగ్ర నాయకులకు పార్టీ ఫండ్​ అందజేసేవాడని విచారణలో వెల్లడించినట్లు పోలీసులు తెలిపారు. జగపతితో పాటు తునికాకు కాంట్రాక్టర్​ను రిమాండ్​కు తరలించారు.

ఇదీ చూడండి:ఆ ఒక్క కారణంతో 18 వేల మంది ఖైదీలు విడుదల