'చెరువు మరమ్మతులు ప్రారంభించేలా చర్యలు చేపడతాం'

తాడ్వాయి మండలం కాటాపూర్​లో జడ్పీ ఛైర్మన్ జగదీశ్వర్​ పర్యటించారు. అన్నారం పెద్ద చెరువు మరమ్మతులు ప్రారంభించేలా చర్యలు చేపడతామని రైతులకు హామీ ఇచ్చారు.

ములుగు జిల్లా తాడ్వాయి మండలం కాటాపూర్​లో జడ్పీ ఛైర్మన్ జగదీశ్వర్​ పర్యటించారు. స్థానిక రైతుల అభ్యర్థన మేరకు అన్నారం పెద్ద చెరువును పరిశీంచారు.

చెరువుకు బుంగపడటం, మత్తడి చెడిపోవడం, పూడిక తీత.. తదితర సమస్యలపై రైతులు జడ్పీ ఛైర్మన్​కు విన్నవించుకున్నారు. ఎన్నోసార్లు అధికారుల దృష్టికి తీసుకెళ్లినా.. సమస్యలు పరిష్కారం కాలేదంటూ మొరపెట్టుకున్నారు.

దీనిపై స్పందించిన జడ్పీ ఛైర్మన్.. పూర్తి స్థాయిలో సమస్యలన్నింటిని ఓ నివేదిక రూపంలో తనకందించాలని రైతులను కోరారు. ఇరిగేషన్ ఉన్నతాధికారులు, నీటి పారుదలశాఖతో చర్చించి, సమస్యల పరిష్కారానికి కృషి చేస్తామని వారికి హామీ ఇచ్చారు.

ఇదీ చదవండి:పొలాల్లో పులి సంచారం.. భయాదోళనలో స్థానికులు