యువకుడి రాష్​ డ్రైవింగ్... వృద్ధుడికి తీవ్ర గాయాలు

హైదరాబాద్​ కేపీహెచ్​బీ ఠాణా పరిధిలో ఓ యువకుడి రాష్ డ్రైవింగ్ కారణంగా ​ఒకరికి తీవ్రగాయాలయ్యాయి. ఈ దృశ్యాలు సీసీటీవీ ఫుటేజీలో రికార్డయ్యాయి. బాధితుడి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు.

రోడ్లపై ఆకతాయిల ఆగడాలు రోజురోజుకూ పెరిగిపోతున్నాయి. కొందరి రాష్​ డ్రైవింగ్ కారణంగా ప్రజలు ప్రమాదాల బారిన పడుతున్నారు. ఈ ఇలాంటి ఘటన హైదరాబాద్ కేపీహెచ్​బీ పోలీస్​స్టేషన్​ పరిధిలో చోటుచేసుకుంది.

వాసుదేవరావు అనే వృద్ధుడు ద్విచక్రవాహనంపై వెళుతుండగా... ఓ యువకుడు నిర్లక్ష్యంగా వాహనం నడుపుతూ ఢీ కొట్టాడు. ఈ ప్రమాదంలో తీవ్రగాయాలపాలైన వాసుదేవరావును పోలీసులు ఆస్పత్రిలో చేర్చారు. బాధితుని ఫిర్యాదు మేరకు యువకుడిని పట్టుకునేందుకు పోలీసులు సీసీ ఫుటేజీ ఆధారంగా జల్లెడ పడుతున్నారు.

ఇదీ చదవండి:వలపు వలతో నిలువుదోపిడీ చేసే మాయలేడి అరెస్ట్