యశోదలో సీఐ భిక్షపతి, కానిస్టేబుల్ అరుణ్​లకు చికిత్స

మేడ్చల్ జిల్లా జవహర్​నగర్​ ఘటనలో కాలిన గాయాలతో బాధపడుతున్న సీఐ భిక్షపతి రావుకు సికింద్రాబాద్ యశోద ఆస్పత్రిలో చికిత్స అందిస్తున్నారు. ప్రస్తుతం ఆయన పరిస్థితి బాగానే ఉన్నట్లు వైద్యులు తెలిపారు.

మేడ్చల్ జిల్లా జవహర్​నగర్​ ఘటనలో పలువురిపై కేసు నమోదు చేసినట్లు పోలీసులు తెలిపారు. ఈ ఘటనలో గాయపడిన సీఐ భిక్షపతిరావు, కానిస్టేబుల్ అరుణ్​లు సికింద్రాబాద్ యశోద ఆసుపత్రిలో చికిత్స పొందుతున్నారు. కాళ్లు, చేతులకు 45 శాతం కాలిన గాయాలైన సీఐని ఐసోలేషన్​లో ఉంచి చికిత్స అందిస్తున్నట్లు వైద్యులు తెలిపారు. ప్రస్తుతం ఆయన పరిస్థితి నిలకడగానే ఉన్నట్లు వెల్లడించారు.

గురువారం రోజున జవహర్​నగర్​ ప్రభుత్వ భూముల్లో ఆక్రమణల తొలగింపులో కబ్జాదారులు మున్సిపల్, రెవెన్యూ, పోలీస్ అధికారులపై దాడి చేశారు. సీఐ భిక్షపతిరావు, కానిస్టేబుల్​ అరుణ్​పై పెట్రోల్ పోసి హత్యాయత్నానికి పాల్పడినట్లు పోలీసులు తెలిపారు.

• ఇదీ చూడండి :జవహర్‌నగర్ ఘటనలో పలువురిపై కేసు నమోదు