చోరీలకు పాల్పడుతున్న యువకుడి అరెస్టు

జల్సాలకు అలవడి చోరీలకు పాల్పడుతున్న శ్రీరామ్​ అనే యువకుడిని దుండిగల్​ పోలీసులు అరెస్టు చేశారు. అతని వద్ద ఉన్న నాలుగు లక్షల విలువైన వస్తువులను స్వాధీనం చేసుకుని రిమాండ్​కు తరలించారు.

జల్సాలకు అలవాటుపడి చోరీలకు పాల్పడుతున్న యువకుడిని దుండిగల్​ పోలీసులు అరెస్టు చేశారు. మేడ్చల్ జిల్లా ప్రగతి నగర్​లో నివాసముంటున్న శ్రీరామ్ ప్రధాన కూడళ్ల వద్ద ఉండి డెలివరీ బాయ్స్​ను గమనిస్తూ డెలివరీ చేసే సమయంలో వారి వద్ద ఉన్న బ్యాగును అపహరించేవాడు. చదువు మానేసి 2017లో చిన్నచిన్న దొంగతనాలకు పాల్పడుతున్న శ్రీరామ్​ను కూకట్​పల్లి పోలీసులు అరెస్టు చేసినా... అతని తీరు మారలేదు.

ఫిర్యాదు అందుకున్న దుండిగల్ పోలీసులు శ్రీరామ్​ను ఆదివారం అదుపులోకి తీసుకున్నారు. అతడివద్ద ఉన్న నాలుగు లక్షల విలువైన వస్తువులు, రెండు ద్విచక్రవాహనాలు, 15 సెల్​ఫోన్లు, దొంగిలించిన బ్యాగులను స్వాధీనం చేసుకుని రిమాండ్​కు తరలించారు.

ఇవీ చూడండి: విద్యాధికారి ఇంట్లో దొంగల బీభత్సం