గులాబీ రంగు చొక్కాలో తెరాస ఏజెంట్లు.. అడ్డుకున్న పోలీసులు

మేడ్చల్ జిల్లా అల్వాల్​ పోలింగ్​ కేంద్రంలో తెరాస ఏజెంట్లు- పోలీసులకు మధ్య వాగ్వాదం చోటుచేసుకుంది. గులాబీ రంగు చొక్కా వేసుకుని వచ్చిన తెరాస ఏజెంట్లను పోలీసులకు కేంద్రంలోనికి అనుమతించకపోవడం వల్ల గొడవ జరిగింది.

మేడ్చల్ జిల్లా అల్వాల్​లోని వెంకటాపురం ప్రాథమిక పాఠశాలలో ఏర్పాటు చేసిన పోలింగ్ కేంద్రంలో.. తెరాస ఏజెంట్లు-పోలీసులకు మధ్య వాగ్వాదం చోటుచేసుకుంది.

పోలింగ్ కేంద్రానికి తెరాస నేతలు గులాబీ రంగు చొక్కా వేసుకుని రావడం వల్ల ఎన్నికల అధికారులు అభ్యంతరం తెలిపారు. ఎన్నికల నియమావళికి విరుద్ధంగా ప్రవర్తించారని వారిని పోలీసులు వెనక్కి పంపే ప్రయత్నం చేశారు. ఈ క్రమంలో తెరాస ఏజెంట్లు పోలీసుల మధ్య వాగ్వాదం చోటుచేసుకుంది.

• ఇదీ చూడండి :భాజపా ఆట మొదలెడితే తెరాసకు దిమ్మతిరుగుద్ది : కిషన్ రెడ్డి