ఏడుపాయల వనదుర్గామాత ఆలయంలో జాతర

మెదక్​ జిల్లా కేంద్రంలోని ఏడుపాయల వనదుర్గామాత ఆలయంలో మహాశివరాత్రి పురస్కరించుకుని జాతర జరగనుంది. ఈ ఉత్సవానికి వివిధ రాష్ట్రాలనుంచి భక్తులు రానున్నారు. మౌలిక వసతుల కల్పన కోసం ప్రభుత్వం 75 లక్షల రూపాయలు మంజూరు చేసింది.

ప్రసిద్ధ పుణ్య క్షేత్రమైన ఏడుపాయల వనదుర్గామాత ఆలయంలో జాతర నిర్వహిస్తున్నారు. మహాశివరాత్రి పురస్కరించుకుని ఈ నెల 21 నుంచి 23 వరకు ఈ వేడుక జరగనుంది. ఇందుకోసం రాష్ట్ర ప్రభుత్వం 75 లక్షలు మంజూరు చేసింది. ఉత్సవానికి తెలంగాణతో పాటు ఇతర రాష్ట్రాలైన కర్ణాటక, మహారాష్ట్ర, ఆంధ్రప్రదేశ్​ నుంచి భక్తులు తరలివస్తారు.

భక్తులకు సౌకర్యాలు ఇతర మౌలిక వసతుల కల్పన కోసం నిధులు మంజూరు చేయాలని మెదక్ ఎమ్మెల్యే పద్మా దేవేందర్ రెడ్డి.. ముఖ్యమంత్రి కేసీఆర్​ను కలిసి విజ్ఞప్తి చేశారు. స్పందించిన సీఎం.. ఆర్థిక శాఖ ప్రత్యేక అభివృద్ధి నిధి (ఎస్డీఎఫ్​) నుంచి రూ.75 లక్షలు మంజూరు చేస్తూ ఉత్తర్వులు జారీ చేశారు.

ఇవీ చూడండి:భక్తిపారవశ్యం... పులకించిన మేడారం