'ప్రజారవాణా బలోపేతానికి విలీనమొకటే మార్గం'

ఆర్టీసీ కార్మికులతో చర్చలు జరపాలని హైకోర్టు సూచించినా.. ముఖ్యమంత్రి కేసీఆర్​ పెడచెవిన పెట్టారని సీఐటీయూ రాష్ట్ర అధ్యక్షుడు చుక్కరాములు మండిపడ్డారు.

ఆర్టీసీ కార్మికుల సమ్మెను ముఖ్యమంత్రి కేసీఆర్​ నిరంకుశ పద్ధతిలో అణచివేస్తున్నారని సీఐటీయూ రాష్ట్ర అధ్యక్షుడు చుక్క రాములు అన్నారు. ముఖ్యమంత్రి వైఖరిని సీపీఎం రాష్ట్ర కమిటీ ఖండిస్తోందని తెలిపారు. మెదక్​లో ఆర్టీసీ కార్మికుల సమ్మెకు మద్దతుగా ర్యాలీలో పాల్గొన్నారు. ప్రజారవాణా వ్యవస్థ బలోపేతం కావాలంటే ఆర్టీసీని ప్రభుత్వంలో విలీనం చేయడమే మార్గమని అభిప్రాయపడ్డారు. ఇది కేవలం ఆర్టీసీ కార్మికుల సమస్య కాదని, యావత్​ తెలంగాణ ప్రజల సమస్యగా అభివర్ణించారు.

• ఇదీ చూడండి : ఆర్టీసీ ఐకాస కన్వీనర్​ అశ్వత్థామరెడ్డిపై డ్రైవర్​ ఫిర్యాదు