పెళ్లికి ముందు ఓటేసిన వరుడు

ఓటు ప్రాముఖ్యతను తెలుపుతూ అందరూ ఓటు వేయాలని సూచిస్తు ఆదర్శంగా నిలిచాడో పెళ్లికొడుకు. ఈ రోజు ఉదయం 10 గంటలకు వివాహం జరగాల్సి ఉండగా పెళ్లి వస్త్రాలతో పోలింగ్ కేంద్రానికి చేరుకుని ఓటు వేశాడు.

మంచిర్యాల జిల్లా మందమర్రి మండలంలో రమేష్ అనే పెళ్లి కొడుకు తన ఓటు హక్కును వినియోగించుకున్నాడు. రమేష్​కు భీమారం మండలం చెందిన యువతితో ఈరోజు 10 గంటలకు వివాహం జరగాల్సి ఉండగా పెళ్లి వస్త్రాలతో నేరుగా పోలింగ్ కేంద్రానికి వచ్చాడు. తన ఓటు హక్కు వినియోగించుకున్నాడు. అందరూ ఓటు వేయాలని సూచించి... అనంతరం పెళ్లి మండపానికి వెళ్లిన రమేష్​ను అంతా అభినందించారు.