మొహర్రం, వినాయక చవితి నిమజ్జన వేడుకలు ఒకేసారి రావడం వల్ల ఎలాంటి అవాంఛనీయ సంఘటనలు జరగకుండా ఉండేందుకు మంచిర్యాల జిల్లా కేంద్రంలో గల ఉత్సవ కమిటీ, మైనార్టీ వెల్ఫేర్ కమిటీ సభ్యులతో పోలీసులు శాంతి సమావేశాన్ని నిర్వహించారు. డీసీపీ రక్షిత కృష్ణమూర్తి ముఖ్య అతిథిగా పాల్గొన్నారు. సుప్రీంకోర్టు ఆదేశాల మేరకు స్పీకర్లు, డీజే సిస్టమ్లను వాడరాదని ఆమె తెలిపారు. ఉల్లంఘించిన వారిపై చట్ట ప్రకారం చర్యలు తీసుకోవడం జరుగుతుందని స్పష్టం చేశారు. గణేష్ నిమజ్జనానికి తరలి వెళ్తున్న వాహనాల రహదారి ప్రణాళికలను ఉత్సవ కమిటీలకు అందించాలని పోలీసులకు సూచించారు.
ఉత్సవ కమిటీలతో డీసీపీ శాంతి సమావేశం