రాత్రి వేళల్లో చోరీలు చేస్తున్న వ్యక్తి అరెస్ట్​

రాత్రి వేళల్లో ఇంటి తాళాలు పగులగొట్టి చోరీలకు పాల్పడుతున్న.. మంచిర్యాలకు చెందిన వ్యక్తిని ఎల్​బీనగర్​ పోలీసులు అరెస్ట్​ చేశారు. అతని నుంచి రూ.10లక్షల విలువైన బంగారం, వెండి ఆభరణాలు, ఒక ద్విచక్ర వాహనం, ఎలక్ట్రానిక్ వస్తువులు, రూ. 5వేల నగదును స్వాధీనం చేసుకున్నట్లు వెల్లడించారు.

రాత్రి సమయాల్లో ఇంటి తాళాలు పగులగొట్టి దొంగతనాలకు పాల్పడుతున్న అరవింద్​ అనే వ్యక్తిని ఎల్​బీనగర్​ పోలీసులు అరెస్ట్​ చేశారు. నిందితుడు మంచిర్యాలకు చెందిన వ్యక్తిగా గుర్తించారు. రాచకొండ, సైబరాబాద్, హైదరాబాద్​, కరీంనగర్, వరంగల్​లోనూ పలు చోరీలకు పాల్పడినట్లు గుర్తించామని డీసీపీ సంప్రీత్​సింగ్​ తెలిపారు. గతంలో నిందితుడిపై 17 కేసులు నమోదైనట్లు వెల్లడించారు.

10 లక్షల విలువైన బంగారం, వెండి ఆభరణాలు, ఒక ద్విచక్ర వాహనం, ఎలక్ట్రానిక్ వస్తువులు, రూ. 5వేల నగదును స్వాధీనం చేసుకున్నామన్నారు. నిందితుల్ని పట్టుకోవడంలో ప్రతిభ కనబరిచిన పోలీసులకు రివార్డులు అందజేశారు.

ఇవీచూడండి:పిల్లలను విక్రయిస్తున్న ముఠా పట్టివేత