ద్విచక్రవాహనాన్ని ఢీకొన్ని ఇసుక లారీ... ఇద్దరు యువకుల మృతి

స్కూటీపై వెళ్తున్న ఇద్దరు యువకులను వేగంగా వచ్చిన ఇసుక లారీ బలితీసుకుంది. ఈ విషాదకర ఘటన మంచిర్యాల జిల్లా చెన్నూరు మండలం కిష్టంపేట సమీపంలో జరిగింది. చెన్నూరుకు చెందిన ఇద్దరు యువకులు అక్కడికక్కడే మృతి చెందగా... కుటుంబాల్లో విషాదఛాయలు అలుముకున్నాయి.

మంచిర్యాల జిల్లా చెన్నూరు మండలం కిష్టంపేట గ్రామ సమీపంలో ఘోర రోడ్డుప్రమాదం చోటుచేసుకుంది. జాతీయ రహదారిపై జరిగిన ఈ ప్రమాదంలో ఇద్దరు యువకులు అక్కడికక్కడే మృతి చెందారు. చెన్నూరుకు చెందిన సాయితేజ, పవన్​ స్కూటీపై వెళ్తున్నారు. అదే సమయంలో ఎదురుగా వచ్చిన ఇసుక లారీ స్కూటీని ఢీకొట్టింది.

ఈ ఘటనలో తీవ్రంగా గాయపడ్డ సాయితేజ, పవన్​ అక్కడికక్కడే మృతి చెందారు. ప్రమాదం కారణంగా రహదారిపై ఇరువైపులా భారీగా వాహనాలు నిలిచిపోయాయి. ఘటనాస్థలికి చేరుకున్న పోలీసులు ట్రాఫిక్​ను పునరుద్ధరించారు. శవపరీక్ష నిమిత్తం మృతదేహాలను ఆస్పత్రికి తరలించారు.

ఇవీ చదవండి:పూర్తి వేతనాల చెల్లింపునకు సర్కారు ఉత్తర్వులు జారీ