రైలు ఢీకొని వ్యక్తి దుర్మరణం..

రైలు ఢీకొని ఓ వ్యక్తి మృతి చెందిన ఘటన మహబూబ్ నగర్ జిల్లా పెద్దాయపల్లి సమీపంలో చోటు చేసుకుంది. ఆ వ్యక్తి బిహార్​కు చెందిన శివాజీ మెహతాగా పోలీసులు గుర్తించారు.

మహబూబ్​నగర్​ జిల్లా బాలానగర్​ మండలం పెద్దాయపల్లి సమీపంలో రైల్వే ట్రాక్​పై గుర్తు తెలియని వ్యక్తి మృతదేహం కనిపించింది. స్థానికులు రైల్వే పోలీసులకు సమాచారం అందించారు. ఆ వ్యక్తి జేబులో లభ్యమైన ఆధార్​ కార్డు ఆధారంగా అతను బిహార్​కు చెందిన శివాజీ మెహతాగా పోలీసులు గుర్తించారు.

పెద్దాయపల్లి సమీపంలో ఉండే పరిశ్రమ వద్ద పని కోసం వచ్చిన అతను దుకాణానికి వెళ్లి రైల్వే ట్రాక్ దాటి వస్తుండగా రైలు ఢీకొని ఉంటుందని పోలీసులు భావిస్తున్నారు. ఈ మేరకు కేసు నమోదు చేసుకుని దర్యాప్తు నిర్వహిస్తున్నారు.

ఇవీచూడండి: దుండిగల్​ పీఎస్​ పరిధిలో ఇద్దరు మహిళల అదృశ్యం