మహబూబ్నగర్ జిల్లా మిడ్జిల్ మండలంలో ఓ తండాకు చెందిన బాలిక, 17 ఏళ్ల బాలుడు ఇద్దరూ ప్రేమించుకున్నారు. సాన్నిహత్యం పెరగడం వల్ల బాలిక గర్భం దాల్చింది. పెళ్లి చేసుకోమని ప్రియుడిని కోరింది. అందుకతను సమేమిరా అన్నాడు. తల్లిదండ్రులకు తెలుస్తుందన్న భయంతో బాలిక గత సెప్టెంబర్లో ఆత్మహత్య యత్నం చేసి ఆసుపత్రిలో చికిత్స పొందతూ మృతి చెందింది. కడుపునొప్పి భరించలేక ఆత్మహత్య చేసుకుందని తల్లిదండ్రులు ఫిర్యాదు చేశారు.
డీఎన్ఏతో నిందితుడి గుర్తింపు
కేసు నమోదు చేసుకున్న పోలీసులు దర్యాప్తు ప్రారంభించారు. పోస్ట్మార్టం నిర్వహించగా.. బాలిక కడుపులో ఆరు నెలల పిండం ఉందని తేలింది. విషయం తెలుసుకున్న పోలీసులు.. బాలిక చరవాణి కాల్స్ ఆధారంగా ఆరుగురు అనుమానితులను అదుపులోకి తీసుకున్నారు. కోర్టు అనుమతితో వారి డీఎన్ఏ నమూనాలను ఫోరెన్సిక్ ల్యాబ్కు పంపారు. ఆరుగురిలో ఒక బాలుడి డీఎన్ఏ నమూనాలతో సరిపోలడం వల్ల బుధవారం అతన్ని అరెస్టు చేసి రిమాండ్కు తరలించారు. ఈ కేసులో బాలిక, బాలుడు ఇద్దరూ 18 ఏళ్ల లోపు పిల్లలే.
ఇవీ చూడండి:కరోనా: చైనాలో 212కు చేరిన మృతులు.. ఎమర్జెన్సీ విధింపు
