జూన్ 1 నుంచి 8 వరకు మహబూబ్నగర్ జిల్లాలో ప్రత్యేక పారిశుద్ధ్య కార్యక్రమాన్ని నిర్వహించాలని... మండల స్థాయి అధికారులతో పాటు ప్రజాప్రతినిథులు ప్రత్యేక డ్రైవ్‌లో పాల్గొనాలని కలెక్టర్ ఎస్. వెంకట్రావు ఆదేశించారు. వర్షాకాలంలో సీజనల్ వ్యాధులు వచ్చేందుకు అవకాశం ఉండటం వల్ల 8 రోజుల పాటు ప్రత్యేక పారిశుద్ధ్య కార్యక్రమాన్ని నిర్వహిస్తున్నట్లు తెలిపారు.
'పారిశుద్ధ్య కార్యక్రమంలో అందరూ భాగస్వామ్యులు కావాలి'
మహబూబ్నగర్ జిల్లాలో ప్రత్యేక పారిశుద్ధ్య కార్యక్రమాన్ని కలెక్టర్ వెంకట్రావు ప్రారంభించారు. ఈ ప్రత్యేక కార్యక్రమంలో ప్రతీ ఒక్కరు భాగస్వామ్యులు కావాలని కోరారు. వీధులన్నీ పరిశుభ్రంగా ఉంచుకుని సీజనల్ వ్యాధుల బారిన పడకుండా జాగ్రత్తపడాలని తెలిపారు.
'పారిశుద్ధ్య కార్యక్రమంలో అందరూ భాగస్వామ్యులు కావాలి'
ఈ ప్రత్యేక డ్రైవ్‌లో గ్రామ పంచాయతీల పరిధిలోని నీటి నిలువ గుంతలను పూడ్చివేయాలని, దోమలు అభివృద్ధి చెందకుండా అరికట్టాలని, చెత్తా చెదారాన్ని తొలగించటంతో పాటు కరోనా వైరస్‌పై ప్రజలకు అవగాహన కల్పించాలని వివరించారు. గ్రామాలలో డ్రైనేజీలు శుభ్రం చేయించడంతో పాటు మురికికాలువలలోని చెత్తను తొలగించాలని, వర్షపు నీరు సులభంగా ప్రవహించడానికి అడ్డంకులను తొలగించే బాధ్యత పంచాయతీ కార్యదర్శి, సర్పంచ్లపై ఉందని కలెక్టర్ తెలిపారు.