ప్రభుత్వ ఆదేశాల మేరకు... ఉమ్మడి మహబూబ్నగర్ జిల్లాలో సుమారు 150 మంది ఉద్యోగులకు పదోన్నతులు కల్పించనున్నట్లు కలెక్టర్ ఎస్.వెంకట రావు వెల్లడించారు. కలెక్టరేట్‌లోని రెవెన్యూ సమావేశ మందిరంలో జిల్లా అధికారులతో సమావేశం నిర్వహించిన ఆయన.. ఈనెల 28 నాటికి పదోన్నతులు ఇచ్చేందుకు జాబితా సిద్ధం చేయాల్సిందిగా సంబంధిత అధికారులను ఆదేశించారు.
ఎలాంటి తప్పులు జరగకుండా..
ఇప్పటివరకు 74 మందికి సంబంధించిన ఉత్తర్వులు సిద్ధం చేయడం జరిగిందని ఇంకా 51 మంది ఉత్తర్వులు తయారు చేయాల్సి ఉందని తెలిపారు. వీటికి తోడు 30 కారుణ్య నియామకాలు ఉన్నాయని చెప్పిన కలెక్టర్ మొత్తం 150 మందికి పదోన్నతులు కల్పించనున్నామని వివరించారు. పదోన్నతుల విషయంలో అన్ని శాఖల అధికారులు పూర్తి జాగ్రత్తలు తీసుకోవాలని, ఎలాంటి తప్పులు జరగకుండా చూడాలని అధికారులకు సూచించారు.