ఈ నెల 22 నుంచి దోస్త్ దరఖాస్తులు

పాలమూరు విశ్వవిద్యాలయం పరిధిలోని డిగ్రీ కళాశాలలో ఈనెల 22 నుంచి దోస్త్ ద్వారా ఆన్​లైన్ దరఖాస్తులు స్వీకరించే ప్రక్రియ ప్రారంభిస్తామని విశ్వవిద్యాలయం ఉపకులపతి రాజారత్నం తెలిపారు. అందుకు సంబంధించి అన్ని ఏర్పాట్లు పూర్తి చేశామని వివరించారు.

మహబూబ్​నగర్ జిల్లా కేంద్రంలోని చైతన్య డిగ్రీ, పీజీ కళాశాల ఆధ్వర్యంలో విద్యార్థులకు ఆన్​లైన్ దరఖాస్తులపై అవగాహన సదస్సును నిర్వహించారు. ఈ కార్యక్రమానికి పాలమూరు విశ్వవిద్యాలయ ఉపకులపతి రాజారత్నం పాల్గొన్నారు. విద్యార్థులకు విద్యా విధానంపై అవగాహన ఉండాల్సిన అవసరం ఎంతైనా ఉందన్నారు. ఈ నెల 15 నుంచే డిగ్రీ ప్రవేశాలకు దరఖాస్తులు స్వీకరించాల్సి ఉన్నా... ఇంటర్ మార్కూల ఆలస్య కారణంగా 22వ తేదీ నుంచి ప్రారంభిస్తున్నట్లు తెలిపారు.

ఇవీ చూడండి: ఆత్మహత్యాయత్నానికి దారితీసిన గుండు తీర్పు