మహబూబ్ నగర్ జిల్లాలో పంటల నమోదు కార్యక్రమాన్ని పది రోజుల రికార్డు సమయంలో పూర్తి చేసినందుకు రాష్ట్ర వ్యవసాయ శాఖ ముఖ్య కార్యదర్శి జనార్దన్ రెడ్డి జిల్లా యంత్రాంగాన్ని అభినందించారు. పంటల నమోదు ప్రాధాన్యతను గుర్తించిన రాష్ట్రప్రభుత్వం ఈ సంవత్సరం పంటలు నమోదును ప్రతిష్ఠాత్మకంగా చేపట్టిందని తెలిపారు. జులై 21న ప్రారంభించిన ఈ కార్యక్రమాన్ని పది రోజుల్లోనే జిల్లాలో సాగు చేసిన సుమారు 2 లక్షల 90 వేల ఎకరాల పంటల వివరాలను జిల్లా వ్యవసాయ శాఖ ఆన్లైన్లో నమోదు చేసింది.
పది రోజుల్లోనే పంటల నమోదు కార్యక్రమం పూర్తి - రాష్ట్ర వ్యవసాయ శాఖ ప్రిన్సిపాల్ కార్యదర్శి జనార్దన్ రెడ్డి
కేవలం పది రోజుల్లోనే పంటల నమోదు కార్యక్రమాన్ని పూర్తి చేసినందుకు రాష్ట్ర వ్యవసాయ శాఖ ముఖ్య కార్యదర్శి జనార్దన్ రెడ్డి... మహబూబ్నగర్ జిల్లా యంత్రాంగాన్ని అభినందించారు. జిల్లాలో మొత్తం 2 లక్షల 90 వేల ఎకరాల పంటల వివరాలను జిల్లా వ్యవసాయశాఖ ఆన్లైన్లో వివరాలు నమోదు చేసింది.
పది రోజుల్లోనే పంటల నమోదు కార్యక్రమం పూర్తి
నిర్దేశించిన సమయంలో పంటల వివరాల నమోదు పూర్తి చేసినందుకుగాను జిల్లా వ్యవసాయ అధికారులను కలెక్టర్ ఎస్.వెంకట రావు అభినందించారు. ప్రతి వ్యవసాయ విస్తరణ అధికారి ప్రతిరోజు 350 నుంచి 400 మంది రైతులకు సంబంధించిన పంటల వివరాలను ఉదయం 7 గంటల నుంచి మధ్యాహ్నం వరకు సేకరించడం, మధ్యాహ్నం నుంచి రాత్రి వరకు సేకరించిన వివరాలన్నింటిని ఆన్లైన్లో నమోదు చేశారని జిల్లా వ్యవసాయ శాఖ అధికారి సుచరిత తెలిపారు. అందువల్లే ఈ కార్యక్రమాన్ని విజయవంతంగా పూర్తి చేయగలిగామని ఆమె పేర్కొన్నారు.