వర్షాలతో బండర్​పల్లి చెక్​డ్యామ్​కు.. జలకళ!

మహబూబ్​ నగర్​ జిల్లాలో అతి తక్కువ నిధులతో బండర్​పల్లి వాగుపై నిర్మించిన చెక్​డ్యామ్​ వరుస వర్షాలకు జలకళ సంతరించుకున్నది. వరద నీళ్లతో నిండిన డ్యామ్​ను చూడడానికి చుట్టుపక్కల గ్రామాల ప్రజలు తరలి వస్తున్నారు.

మహబూబ్​నగర్​ జిల్లాలోనే అతి తక్కువ నిధులతో బండర్​పల్లి వాగుపై నిర్మించిన చెక్​డ్యామ్​కు జలకళ వచ్చింది. వరుస వర్షాలతో వరద నీరు వచ్చి చేరడం వల్ల చెక్​డ్యామ్​ కొత్త అందాన్ని సంతరించుకుంది. మహబూబ్​నగర్​ – నారాయణపేట్​ జిల్లాలను కలిపే బండర్​పల్లి వాగుపై రూ.60 లక్షల ఖర్చుతో ఈ డ్యామ్​ నిర్మించారు.

మహబూబ్​నగర్​ – రాయచూర్​కు వెళ్లే రహదారిపై ఈ డ్యామ్​ ఉండడం వల్ల చూపరులను ఆకట్టుకుంటున్నది. ఆ మార్గంలో వెళ్లే ప్రయాణికులు కాసేపు ఆగి.. చెక్​డ్యామ్​ జల సవ్వడిని ఆస్వాదించి ముందుకు సాగుతున్నారు. చెక్​డ్యామ్​ నిండడం వల్ల బోరుబావుల్లో భూగర్భ జలాలు పెరుగుతాయంటూ.. రైతులు ఆనందం వ్యక్తం చేస్తున్నారు. బండర్​ పల్లి వాగు నిండడం వల్ల దేవరకద్ర, చింతకుంట, మరికల్​ మండలాల రైతులు సంతోషం వ్యక్తం చేస్తున్నారు.

ఇదీ చూడండి:విదేశీ యాప్​లకు ప్రత్యామ్నాయంగా 'ఎలిమెంట్స్'