భూగర్భ జలాల పెంపునకు అందరూ కృషి చేయాలి

మహబూబాబాద్​ జిల్లా దంతాలపల్లిలో జల సంరక్షణ అవగాహన ర్యాలీ నిర్వహించారు. అంబేడ్కర్​ కూడలిలో మానవహారం చేపట్టారు. భూగర్భ జలాల పెంపునకు అందరూ తోడ్పాడలాని ఎంపీపీ ఓలాద్రి ఉమ కోరారు.

జల సంరక్షణను ప్రతి ఒక్కరూ తమ బాధ్యతగా గుర్తించాలని మహబూబాబాద్​ జిల్లా దంతాలపల్లి ఎంపీపీ ఓలాద్రి ఉమ అన్నారు. దంతాలపల్లిలో జల శక్తి అభియాన్ కార్యక్రమంలో భాగంగా జల సంరక్షణపై ఐకేపీ, వ్యవసాయ శాఖ అవగాహన ర్యాలీని ఆమె ప్రారంభించారు. వరంగల్-ఖమ్మం ప్రధాన రహదారిపై ఈ ర్యాలీ తీశారు. అంబేడ్కర్ కూడలిలో భారీ మానవహారం నిర్వహించి, నినాదాలు చేశారు. ఇంటింటా ఇంకుడు గుంతలు, వ్యవసాయ భూముల్లో సేద్యపు కుంటలు నిర్మించి భూగర్భ జలాల పెంపునకు కృషి చేయాలని కోరారు.