దుకాణాలు తెరచుకునేందుకు ఏర్పాట్లు

దుకాణాలు తెరుచుకునేందుకు సర్కారు అనుమతించడంతో దుకాణాలు క్రమంగా తెరచుకున్నాయి. సరి, బేసి విధానంలో కొన్ని దుకాణాలకే అధికారులు అనుమతిస్తున్నారు. ఏ, బీ, సీ కేటగిరీల్లో వర్గీకరించి అనుమతులు మంజూరు చేస్తున్నారు.

గ్రీన్​, ఆరెంజ్​ జోన్​లలో అన్ని రకాల దుకాణాలు తెరచుకోవడానికి అనుమతిస్తున్నట్లు సీఎం కేసీఆర్​ ప్రకటనతో అధికారులు చర్యలు చేపట్టారు. మహబూబాబాద్​ జిల్లా కేంద్రంలో బీ కేటగిరీలో ఉన్న సుమారు వెయ్యికి పైగా వివిధ రకాల దుకాణాలకు అధికారులు సరి, బేసి విధానంలో మార్కింగ్​ చేశారు.

ఏ కేటగిరిలో ప్రస్తుతం నడుస్తున్న కిరాణం, మందులు, కూరగాయలు, పాల ఉత్పత్తులతో పాటు భవన నిర్మాణం, వ్యవసాయ అనుబంధ దుకాణాలు రోజూ తెరచుకునేందుకు అనుమతించారు. బీ కేటగిరిలో ఉన్న సెల్​ఫోన్ దుకాణాలు, వస్త్ర దుకాణాల, జ్యువెలరీ, పుస్తకాలు తదితర దుకాణాలు సరి, బేసి విధానంలో తెరచుకోవాలని సూచించారు.

దుకాణాలకు వచ్చే వారు తప్పనిసరిగా మాస్క్​లు ధరించి, భౌతిక దూరం పాటించాలన్నారు. సీ కేటగిరిలో ఉన్న విద్యాసంస్థలు, బార్లు, రెస్టారెంట్లు, సినిమా థియేటర్​లు, షాపింగ్ మాల్స్​, ప్రార్థన మందిరాలు ఎట్టి పరిస్థితుల్లో తెరవ కూడదని ఆదేశించారు. నిబంధనలు అతిక్రమించిన దుకాణాలను సీజ్​ చేస్తామని హెచ్చరించారు.

ఇవీ చూడండి:విశాఖ ఘటనపై సీఎం కేసీఆర్​ దిగ్భ్రాంతి ​