పట్టా పాసుపుస్తకం కోసం తల్లీకొడుకుల ఆత్మహత్యాయత్నం

మహబూబాబాద్ జిల్లా కురవి తహసీల్దార్ కార్యాలయం ముందు ఓ యువకుడు పురుగుల మందు తాగి ఆత్మహత్యాయత్నం చేసుకున్నాడు. అక్కడే ఉన్న రైతులు, సిబ్బంది గమనించి అడ్డుకున్నారు.

అధికారులు పట్టాదారు పాసుపుస్తకం ఇవ్వడం లేదని తల్లీకొడుకులు తహసీల్దార్ కార్యాలయం ముందు ఆత్మహత్యకు యత్నించాడు. మహబూబాబాద్ జిల్లా కురవిలో ఈ ఘటన చోటుచేసుకుంది. అక్కడే ఉన్న రైతులు, రెవెన్యూ సిబ్బంది అడ్డుకొని మందు డబ్బా లాక్కున్నారు. విచారణ అనంతరం పాసు పుస్తకం ఇస్తామని చెప్పినా... కావాలనే ఇలా వారు ఇలా చేశారని తహసీల్దార్ విజయ్​ కుమార్​ పేర్కొన్నారు.

మండలంలోని లింగ్యాతండాకు చెందిన ఇస్లావత్ క్రాంతి, ఆమె కుమారుడికి రెండున్నర ఎకరాల భూమి వారసత్వంగా వచ్చింది. పట్టాదారు పాసుపుస్తకం కోసం గతంలో సాదాబైనామా కింద దరఖాస్తు చేసుకున్నారు. దీనికి సంబంధించిన 224 సర్వే నెంబర్​లో మరొకరి పేరుపై నమోదైనట్టు బాధితులు ఆరోపించారు. కార్యాలయం చుట్టూ తిరుగుతున్నా ఫలితం లేదని ఆత్మహత్యకు యత్నించినట్టు తల్లీకొడుకు ఆవేదన వ్యక్తం చేశారు.

ఇదీ చూడండి:పదికి సన్నద్ధం... కరోనా నేపథ్యంలో అప్రమత్తం