ప్రొఫెసర్​ జయశంకర్​ విగ్రహాన్ని ఆవిష్కరించిన మంత్రి ఎర్రబెల్లి

తెలంగాణ సాధన కోసం ఆచార్య జయశంకర్​ అలుపెరగని పోరాటం చేశారని మంత్రి ఎర్రబెల్లి దయాకర్​ రావు అన్నారు. తొర్రూరు పట్టణ కేంద్రంలో ఆచార్య జయశంకర్​ విగ్రహాన్ని మంత్రి ఆవిష్కరించారు.

మహబూబాబాద్​ జిల్లా తొర్రూరు పట్టణ కేంద్రంలో ఆచార్య జయశంకర్​ విగ్రహాన్ని రాష్ట్ర పంచాయతీరాజ్​ శాఖ మంత్రి ఎర్రబెల్లి దయాకర్​ రావు ఆవిష్కరించారు. తెలంగాణ సాధన కోసం ఆచార్య జయశంకర్​ అలుపెరగని పోరాటం చేశారని మంత్రి ఎర్రబెల్లి తెలిపారు. ఆయన విగ్రహాన్ని తొర్రూరులో నెలకొల్పిన ప్రతిష్టాపన కమిటీని మంత్రి అభినందించారు.

ఆచార్య జయశంకర్​ స్ఫూర్తితోనే ముఖ్యమంత్రి కేసీఆర్​ కాళేశ్వరం ప్రాజెక్టును పూర్తి చేశారని ఆయన పేర్కొన్నారు. తెలంగాణ ఉద్యమంలో కేసీఆర్​కు చేదోడువాదోడుగా ఉండి ఉద్యమకారులకు ఉద్యమస్ఫూర్తినందించి మహోన్నత వ్యక్తిగా నిలిచిన ఆచార్య జయశంకర్ ఆదర్శప్రాయుదన్నారు. కేసీఆర్​ ఉద్మమానికి నాయకత్వం వహిస్తే జయశంకర్​ సిద్ధాంతకర్తగా ఉన్నారన్నారు.

ఇవీ చూడండి: 'వరంగల్​ నగరాన్ని కాలుష్య రహిత నగరంగా తీర్చిదిద్దడమే లక్ష్యం'