ఆ మూడు గ్రామాలను క్వారంటైన్​ చేయిండి: మంత్రి ఎర్రబెల్లి

మహబూబాబాద్​ జిల్లాలో కరోనా పాజిటివ్​ నిర్ధరణ అయిన మూడు గ్రామాలను క్వారంటైన్​ చేయాలని పంచాయతీ రాజ్​ శాఖ మంత్రి ఎర్రబెల్లి దయాకర్​ రావు అధికారులను ఆదేశించారు. వారికి నిత్యావసరాలు అందించాలన్నారు. మరొకరికి కరోనా రాకుండా జాగ్రత్తలు పాటించాలని సూచించారు.

మహబూబాబాద్​ జిల్లా 3 గ్రామాలకు చెందిన ఐదుగురికి కరోనా పాజిటివ్​ నిర్ధరణ కావడం వల్ల మంత్రి ఎర్రబెల్లి దయాకర్​ రావు తొర్రూర్​లో సమీక్షించారు. ఈ సమావేశంలో జిల్లా కలెక్టర్​ గౌతమ్​, ఎస్పీ కోటిరెడ్డి, డీఎంహెచ్​వో, ఇతర అధికారులు పాల్గొన్నారు. అయితే ఆ ఐదుగురు ఇతర రాష్ట్రాల నుంచి వచ్చినట్లు తెలిపారు.

ప్రస్తుత పరిస్థితి నుంచి మరొకరికి కరోనా సోకకుండా పూర్తి జాగ్రత్తలు తీసుకోవాలని మంత్రి ఆదేశించారు. వైరస్​ నిర్ధరణ అయిన మూడు గ్రామాలను క్వారంటైన్​ చేయాలన్నారు. ప్రజలకు అవగాహన కల్పిస్తూ చైతన్యపర్చాలని సూచించారు. అలాగే క్వారంటైన్​ చేసిన గ్రామాలకు నిత్యావసరాల సమస్య రాకుండా జాగ్రత్తలు తీసుకోవాలని మంత్రి ఆదేశించారు.

"కరోనా సోకిన వారు మహారాష్ట్ర నుంచి వచ్చారు. వారికి కేంద్ర ప్రభుత్వం పరీక్షలు నిర్వహించకుండానే ఇక్కడకు పంపింది. వారు మూడు గ్రామాల్లో తిరిగారు. ఎవరికైన లక్షణాలు కనపడితే వైద్యులు పరీక్షిస్తారు. అనంతరం గాంధీ ఆస్పత్రికి తరలిస్తాం."

-ఎర్రబెల్లి దయాకర్ రావు, మంత్రి

ఇదీ చూడండి:భారత 'జ్యోతి'కి ఇవాంకా ట్రంప్​ సలాం!