మహబూబాబాద్ జిల్లా కేంద్రంలోని కూరగాయల మార్కెట్ను జిల్లా కలెక్టర్ వీపీ గౌతమ్ సందర్శించారు. గ్రామాల నుంచి కూరగాయలను మార్కెట్కు ఏ విధంగా తీసుకువస్తున్నారు.. వాటిని తీసుకుని వచ్చే సమయంలో ఎవరైనా ఆపుతున్నారా... ఏమైనా ఇబ్బందులు ఉన్నాయా అని రైతులను అడిగి తెలుసుకున్నారు. కూరగాయలను అధిక ధరలకు విక్రయిస్తే కఠిన చర్యలు తీసుకుంటామని వారిని హెచ్చరించారు. కొనుగోలుదారులు సామాజిక దూరం పాటిస్తూ కూరగాయలను కొనుగోలు చేసే విధంగా చూడాలని సూచించారు. ప్రతి ఒక్కరూ మాస్క్ ధరించాలని.. మాస్కులు లేని వారు ముక్కుకు దస్తీ కట్టుకుని సామాజిక భద్రత పాటించాలని ఆయన కోరారు.
వార్డుకో కూరగాయల మార్కెట్ ఏర్పాటు చేయాలి: కలెక్టర్ వీపీ గౌతమ్