తెరాస శ్రేణుల విజయోత్సవ ర్యాలీ

పట్టభద్రుల ఎమ్మెల్సీ ఎన్నికలో తెరాస ఘనవిజయం సాధించడంతో కుమురం భీం జిల్లాలో తెరాస శ్రేణులు విజయోత్సవ ర్యాలీ నిర్వహించారు. టపాసులు కాల్చి ఆనందం వ్యక్తం చేశారు.

కుమురం భీం జిల్లా కాగజ్ నగర్ పట్టణంలో తెరాస శ్రేణులు విజయోత్సవ ర్యాలీ నిర్వహించారు. జిల్లా పరిషత్ ఉపాధ్యక్షుడు కోనేరు కృష్ణారావు ఆధ్వర్యంలో ఈ సంబురాలు జరిగాయి.

కోనేరు కృష్ణారావు నివాసం నుంచి బయలుదేరిన ద్విచక్ర వాహన ర్యాలీ పట్టణంలోని ప్రధాన వీధుల గుండా సాగింది. తెరాస కార్యకర్తలు ఎన్టీఆర్, రాజీవ్ గాంధీ కూడళ్లలో టపాసులు కాల్చి సంబరాలు జరుపుకున్నారు. బంగ్రా వాయిద్యాలతో స్టెప్పులు వేశారు. సీఎం కేసీఆర్ రాష్ట్రంలో చేస్తున్న అభివృద్ధిని చూసి పట్టభద్రుల తెరాసకు ఘన విజయాన్ని అందించారని పేర్కొన్నారు. ఇప్పటికైనా ప్రతిపక్షాలు అసత్య ఆరోపణలు మానుకోవాలన్నారు.

ఇదీ చదవండి:'లేఖ'పై మహా​లో ప్రకంపనలు- పవార్​ కీలక భేటీ!