కుమ్రం భీం ఆసిఫాబాద్ జిల్లా కేంద్రంలో ఈ రోజు పాలనాధికారి కార్యాలయం ఎదుట జిల్లాలోని విద్యా వాలంటీర్లు మోకాళ్ళపై కూర్చుని విన్నూత్న నిరసన చేపట్టారు. విద్యా వాలంటీర్లకు 4 నెలల వేతన బకాయిలు తక్షణం చెల్లించే వరకు ధర్నాను విరమించేది లేదని పాలనాధికారి కార్యాలయం ముందు భీష్మించి కూర్చున్నారు.
మోకాళ్ల మీద కూర్చుని విద్యావాలంటీర్ల నిరసన - COLLECTORATE COMPLEX
విద్యా వాలంటీర్లు చేస్తున్న ధర్నా కుమ్రం భీం జిల్లా వ్యాప్తంగా ఉద్రిక్తతకు దారి తీసింది. తమ సమస్యలు పరిష్కరించకపోతే ఈ నెల 12 నుంచి ప్రారంభం అయ్యే పాఠశాల తరగతులు బహిష్కరిస్తామని హెచ్చరించారు. బకాయిలు చెల్లించే వరకు పాఠశాలలకు వెళ్ళేది లేదని భీష్మీంచారు.
మమ్మల్ని యథావిధిగా కొనసాగించాలి : విద్యా వాలంటీర్లు
ప్రభుత్వ ఉపాధ్యాయులతో సమానంగా పనిచేస్తున్నందున సమాన వేతనం చెల్లించాలని డిమాండ్ చేశారు. విద్యా వాలంటీర్లను కొనసాగించాలని నిరసన వ్యక్తం చేశారు. అనంతరం ఉప పాలనాధికారి రాంబాబుకు వినతిపత్రం సమర్పించారు.
బకాయి వేతనాలు చెల్లించకపోతే విధులు బహిష్కరిస్తాం : విద్యా వాలంటీర్లు