చేను దున్నుతుంటే ట్రాక్టర్​ బోల్తా.. ఒకరు మృతి

కుమురంభీం ఆసిఫాబాద్​ జిల్లా వాంకిడి మండలంలోని గోయగాం గ్రామంలో ట్రాక్టర్​ బోల్తా పడిన ఘటనలో ఓ వ్యక్తి మృతిచెందారు. రోజువారి పనుల్లో భాగంగా చేనులో దున్నుతుంటే ప్రమాదవశాత్తు ట్రాక్టర్​ బోల్తాపడి బాపురావు అక్కడికక్కడే మరణించారు.

ట్రాక్టర్​ బోల్తా పడి ఒకరు మృతి చెందిన ఘటన కుమురంభీం ఆసిఫాబాద్​ జిల్లా వాంకిడి మండలంలోని గోయగాం గ్రామంలో చోటుచేసుకుంది. బాపురావు అనే వ్యక్తి గ్రామంలోని బబ్లూ వద్ద ట్రాక్టర్​ డ్రైవర్​గా పనిచేస్తున్నారు. యథావిధిగా రోజువారి పనుల్లో భాగంగా బాపూరావు చేనులో దున్నుతున్నాడు.

ఈ క్రమంలో ప్రమాదవశాత్తు ట్రాక్టర్​ బోల్తా పడింది. డ్రైవర్ అందులోనే ఇరుక్కుపోవడం వల్ల అక్కడికక్కడే మృతి చెందాడు. మృతుని భార్య సుగంధ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి:యుద్ధ వ్యూహాలతో శత్రు దేశాలను ఎదుర్కొందాం : సీఎం కేసీఆర్‌