ఆసిఫాబాద్​లో భారీ చోరీ... 15 లక్షలు మాయం

కొమురం భీం ఆసిఫాబాద్​ జిల్లా కేంద్రంలో ఓ ఇంట్లో చోరీ జరిగింది. దొంగలు బీరువా పగలగొట్టి 15లక్షలు అపహరించినట్లు బాధితుడు పోలీసులకు ఫిర్యాదు చేశాడు.

కొమురం భీం ఆసిఫాబాద్​ జిల్లా కేంద్రంలోని బాపునగర్ కాలనీలో మంగళవారం రాత్రి చోరీ జరిగింది. ఉత్తమ్​ సింగ్​ ఎలక్ట్రికల్స్​ దుకాణం నిర్వహిస్తున్నాడు. రాత్రి విధులు ముగించుకొని ఇంటికి వచ్చి చూడగా... బీరువా పగలకొట్టి ఉంది. అందులోని 15లక్షల రూపాయలు అపహరించినట్లు గమనించాడు. వెంటనే పోలీసులకు సమాచారం ఇవ్వగా... డాగ్​ స్క్వాడ్​తో తనిఖీ చేపట్టారు. తరచుగా తమ ఇంటికి వచ్చే ముగ్గురు రాజస్థాన్​కు చెందిన కార్మికులపై అనుమానం వ్యక్తం చేశాడు. వారు రాత్రి రాజస్థాన్​కు వెళ్లినట్లు పోలీసులకు తెలిపాడు.

ఇదీ చూడండి: ప్రతి ఒక్కరూ ఆధ్యాత్మిక చింతన అలవర్చుకోవాలి: చాగంటి