ఆసిఫాబాద్​ జిల్లాలో ఇంట్లోకి ఎలుగుబంటి...

కుమురం భీం జిల్లా వైగం గ్రామస్థులను ఎలుగుబంటి హడలెత్తించింది. ఓ ఇంట్లోకి ప్రవేశించి భయపెట్టింది. ఇంటి ప్రాంగణంలో మృగాన్ని చూసిన ఇంటి యజమానులు భయభ్రాంతులకు గురయ్యారు. గ్రామస్థుల సహాయంతో సమీప పొలాల్లోకి తరిమేశారు.

కుమురం భీం జిల్లా కౌటాల మండలం వైగం గ్రామంలో ఓ ఎలుగుబంటి హల్​చల్​ చేసింది. ఉదయాన్నే సమీప అడవుల్లోంచి గ్రామంలోని ఓ ఇంట్లోకి ప్రవేశించింది. ఇంటి పనుల్లో నిమగ్నమైన యజమానులు మృగం రాకను గమనించలేదు. సుమారు ఉదయం 8 గంటల సమయంలో ఇంటి పరిసరాల్లో తిరుగుతున్న ఎలుగు బంటిని చూసిన వారు హడలెత్తిపోయారు. వెంటనే గ్రామస్థుల సహాయంతో.. అరగంటపాటు శ్రమించి సమీప పొలాల్లోకి తరిమేశారు. ఎవరికి ఎటువంటి హాని జరగలేదు. అందరూ ఊపిరి పీల్చుకున్నారు.

ఇవీ చూడండి: కోదాడలో ఘోర రోడ్డు ప్రమాదం.. ఏడుగురి మృతి