మా బకాయిలు మాకు చెల్లించండి

అంగన్వాడీ కార్యకర్తలు ఆందోళన బాట పట్టారు. వారికి రావాల్సిన జీతాలను ఇవ్వకుండా అధికారులు జాప్యం చేస్తున్నారు. నిరసన తెలుపుతున్నా పట్టించుకోవట్లేదని కార్యకర్తలు ఆగ్రహిస్తున్నారు.

కుమురం భీం ఆసిఫాబాద్ జిల్లాలోని అంగన్వాడి ప్రాజెక్టు డైరెక్టర్ కార్యాలయం ముందు కార్యకర్తలు నిరసన చేపట్టారు. తమకు రావాల్సిన బకాయిలు చెల్లించాలని డిమాండ్ చేశారు. 2015 నుంచి టీఏడీఏ డబ్బులు చెల్లించాలని గత తొమ్మిది రోజులుగా రిలే నిరాహార దీక్షలు కొనసాగిస్తున్నా... అధికారులు పట్టించుకోవటం లేదని ఆగ్రహం వ్యక్తం చేశారు.

రెండున్నర కోట్ల స్కాం జరిగింది...!
ప్రాజెక్టులో రెండున్నర కోట్ల స్కాం జరిగిందని అంగన్వాడీ కార్యకర్తలు ఆరోపించారు. విడుదలైన డబ్బులు ఎవరికి ఖాతాలోకి వెళ్లాయనేది తేలాలని డిమాండ్​ చేశారు. సమస్యలను వెంటనే పరిష్కరించకపోతే పెద్దఎత్తున ధర్నాలు నిర్వహిస్తామని అంగన్వాడీలు హెచ్చరించారు.

ఇవీ చూడండి:ఆడపిల్ల పుడితే ఉచిత వైద్యం