రెండు పడక గదుల ఇళ్లను ప్రారంభించిన మంత్రి పువ్వాడ

గూడులేని ప్రతి పేదవాడు పక్కా గృహంలో ఉండాలనే లక్ష్యంతో ముఖ్యమంత్రి కేసీఆర్‌ రెండు పడక గదుల ఇవ్వను అందిస్తున్నారని మంత్రి పువ్వాడ అజయ్​కుమార్ పేర్కొన్నారు.

ఖమ్మం జిల్లా సింగరేణి మండలం విశ్వనాథపల్లిలో రెండు పడక గదుల ఇళ్లను మంత్రి పువ్వాడ అజయ్​కుమార్ ప్రారంభించారు. లబ్ధిదారులతో మాట్లాడి ఇళ్ల నిర్మాణంలో వసతులు గురించి తెలుసుకున్నారు. అందరూ కొత్త గృహాల్లోనే నివాసం ఉండాలని సూచించారు.

జిల్లాలో 9వేల ఇళ్లు నిర్మాణాలు ప్రారంభించగా... 7వేల ఇళ్లకు టెండర్లు పూర్తయ్యాయని పేర్కొన్నారు. 2 వేల 600 ఇళ్లు లబ్ధిదారులకు పంపిణీ చేశామన్నారు. మిగిలిన ఇళ్లను త్వరితగతిన పూర్తి చేయాలని అధికారులను ఆదేశించారు. ఈ కార్యక్రమంలో ఎంపీ నామా నాగేశ్వరరావు, ఎమ్మెల్యే రాములునాయక్‌, ఎమ్మెల్సీ బాలసాని లక్ష్మీనారాయణ పాల్గొన్నారు.