'వైరా పురపాలక అభివృద్ధికి కృషి చేస్తా...'

వైరా పురపాలక అభివృద్ధికి కృషి చేస్తానని మంత్రి పువ్వాడ అజయ్​కుమార్​ హామీ ఇచ్చారు. ఖమ్మం జిల్లా వైరాలో ఎంపీ నామ నాగేశ్వర్​రావుతో కలిసి పర్యటించిన మంత్రి... పలు అభివృద్ధి పనులకు శంకుస్థాపన చేశారు.

ఖమ్మం జిల్లా వైరాలో రవాణా శాఖ మంత్రి పువ్వాడ అజయ్​కుమార్​, ఎంపీ నామ నాగేశ్వర్​రావు పర్యటించారు. రూ.20 కోట్లతో చేపట్టనున్న అభివృద్ధి పనులకు శంకుస్థాపన చేశారు. పలు వీధుల్లో కలియ తిరుగుతూ సమస్యలు అడిగి తెలుసుకున్నారు. వైరా పురపాలక అభివృద్ధికి కృషి చేస్తానని మంత్రి హామీ ఇచ్చారు.

రాష్ట్ర వ్యాప్తంగా అన్ని మున్సిపాలిటీల అభివృద్ధిపై మంత్రి కేటీఆర్ ప్రత్యేక దృష్టి సారించారన్నారు. ఎమ్మెల్యే రాములు నాయక్ కోరిక మేరకు వైరాలో అభివృద్ధి పనులకు నిధులు మంజూరు చేశారని మంత్రి వివరించారు.

ఇదీ చూడండి: అయేషా గోళ్లు, ఎముకలు, కేశాల పరిశీలన